Туркије во првите два месеца од оваа година угости 4,34 милиони странски туристи

ИСТАНБУЛ (АА) – Туркије угости 4,34 милиони странски туристи во првите два месеца од 2025 година, според официјалните податоци објавени денес, јавува Анадолу.

Бројот на странски посетители во период од јануари до февруари остана непроменет во споредба со овој период минатата година, покажаа податоците на Министерството за култура и туризам.

Истанбул, најголем град во Туркије по број на жители и водечка туристичка дестинација, пречека 57,8 отсто од сите странски посетители или речиси 1,25 милиони во овој двомесечен период.

По него следува Едрене, град во Северозападна Туркије што граничи со Бугарија и Грција, како и медитеранскиот туристички центар Анталија.

Што се однесува до националноста на странските туристи, Иран беше на прво место со 10,7 отсто од вкупниот број посетители, по него следуваат Русија и Бугарија.

Само во февруари Туркије ја посетиле 2,17 милиони странци, што е намалување од 5,34 отсто на годишно ниво.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.