Туркије: Приведени 32 осомничени кои подготвувале напади врз синагоги, цркви и ирачката Амбасада

АНКАРА (АА) – Во заедничка операција на Разузнавачката служба на Туркије (МИТ) и турската полиција приведени се 32 лица осомничени за подготовка на терористички напади на цркви, синагоги и Амбасадата на Ирак во Анкара, пренесува Анадолу.

Меѓу приведените се и тројца т.н. високорангирани членови на терористичката организација ДЕАШ.

Безбедносни извори потврдија дека МИТ и турската полиција од слобода го лишиле Миџбал ел Сувејхи, со кодно име „Абу Јакина ел Ираки“, наводно одговорен за разузнавачки работи во терористичката организација ДЕАШ.

Меѓу приведените се и Мухамед Хилаф Ибрахим, со кодно име „Ебу Лејс“, кој ги подготвувал нападите на синагоги и цркви, и Ијхеб Елани со кодно име „Абдула ел Џумејли“, терорист на ДЕАШ кој бил задолжен за подготовка на нападот врз ирачката Амбасада во Анкара.

Сите 32 осомничени се лишени од слобода во истовремена координирана акција во 9 градови на подрачјето на Туркије.

Во операциите е запленет дигитален материјал на терористичката организација ДЕАШ.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS).