Пазарните потреси поради царините беа неопходни. Доналд Трамп уверен во исправноста на одлуката да воведе увозни царини зна глобално ниво. Предупредува дека ситуацијата во САД е крајно сериозна и ја спореди економската состојба во државата со болен пациент.
Вели дека е подготвен за преговори но само ако другите држави понудат нешто што не може да се одбие.
– Наследивме ужасна економија, со многу проблеми, меѓу кои загубата на производството, затворање на фабрики. Откако НАФТА стапи на сила, загубивме 90 илјади фабрики. Звучи неверојатно. 6 милиони работни места исчезнаа. Таа беше болен пациент кој мина низ операција. – рече Трамп.
Кина возврати и најави дека од 10 април ќе воведе реципрочни царини од 34 отсто на сите увезени производи од Соединетите Американски Држави. Воедно, Пекинг објави и строга контрола на извозот на ретки минерали во САД.
Од Меѓународниот Монетарен Фонд пак велат дека царините што ги објави американскиот претседател, претставуваат значителен ризик за светската економија. Според првиот овек на ММФ, клучно е да се избегнуваат потези кои би можеле дополнително да ја влошат состојбата и повика САД и нивните трговски партнери да работат конструктивно на намалување на тензиите.
„Сѐ уште ја проценуваме макроекономската импликација на овие мерки, но тие очигледно претставуваат сериозна закана за глобалните економски перспективи во време кога растот е слаб.“ – Кристалина Георгиева директорка на Меѓународниот монетарен фонд.
И економистите сметаат дека дека администрацијата на Трамп никогаш не требало да ги пресметува овие тарифи за земји со толку различни економски позиции и односи со САД користејќи ја истата формула.
„Се чини дека една од мотивите е да се крене тарифен ѕид околу САД. Едноставно да се обесхарбри трговијата. Тоа е нивно расмислување како да се вратат работните места во САД и да го поддржат производството.“ – Роберт Кан Економист.
Во меѓувреме, најголем пад на берзите на Вол стрит во изминативе пет години. Несигурноста на инвеститорите и очекувањата дека тарифите ќе предзивикаат висока инфлација ги намали индексите. Падна цената на златото, кое во изминативе денови достигна рекордна вредност, а се намали и вредноста на суровата нафта и акциите на технолошките гиганти.
Извор: 24vesti.mk
