Мажот што вечерва беше пронајден мртов во својот дом во Тетово бил убиен од страна на својот татко пред два дена, на 31 декември, информираат од МВР по координација со јавен обвинител.
Од полицијата соопштија дека е утврдено оти се работи за кривично дело убиство кое 65-годишниот М.Н. го извршил над својот 39 годишен син С.Н. по претходна физичка пресметка.
Убиството било извршено со ловечка пушка.
„„Денеска околу 18.50 часот во Блок 70 во Тетово, во неговиот дом бил пронајден С.Н.(39) без знаци на живот, со прострелна рана во главата. С.Н. живеел со неговиот татко, кој бил пронајден во бессознание и од Итна медицинска помош бил пренесен во Ургентен центар Тетово. Во просторијата каде бил пронајден С.Н., пронајдена е ловечка пушка. По преземени мерки и активности за расчистување на случајот, во координација со јавен обвинител, утврдено е дека се работи за кривично дело “убиство” сторено на 31.12.2024, каде по претходна физичка пресметка, М.Н. (65) со ловечка пушка го усмртил неговиот син С.Н.“, информираше портпаролот на СВР Тетово, Фатмир Реџепи.“, велат од СВР Тетово..
Претходно вечерва од полицијата информираа дека доцна попладнево, околу 18:50 часот 39-годишник бил пронајден мртов во својот дом во Тетово каде што живеел со својот татко. Мажот бил пронајден со прострелна рана во главата, а во просторијата каде што се наоѓало неговото тело пронајдена била и ловечка пушка. Таткото на 39-годишникот бил пронајден во бессознание и однесен во Ургентниот центар во Тетово.
Извор: 24vesti.mk
