Тамара Котевска, корежисерката на „Медена земја“ што доби историски 2 номинации за Оскар во 2020, за најдобар странски филм и за најдобар документарец, почна да го снима дебитантскиот игран игран филм „„Човек против јато“. Играното деби на Котевска со 325.000 евра го поддржа и македонската Агенција за филм на конкурсот во вториот рок во во 2019, а во 2023 доби поддршка од 265.000 евра од Паневропскиот филмски фонд Еуримаж.
Како што соопшти Агенцијата за филм, „Човек против јато“ е приказна сместена во рурална Македонија, каде изградбата на нов автопат го разурнува мирот на едно мало село и ја соочува традицијата со модернизацијата. Главните улоги ги играат Кирил Андоновски, Верица Недеска, Лола Трендафиловиќ и Горан Богдан, а играат како и актери од Македонија, Хрватска, Германија, Холандија и Бугарија.
Филмот е во продукција на „Видео студио Петковски“, во соработка со копродуценти од Хрватска, Грција, Турција, Србија и Црна Гора, а финансиски е поддржан од и филмските центри на соработничките земји.
Почна снимањето и на „Договор“, режисерското деби на тетовскиот актер Сенад Абдули. (Фото: Агенција за филм)
Агенцијата за филм соопшти дека почна снимањето и на „Договор“, режисерското деби на тетовскиот актер Сенад Абдули. Филмот во продукција на „Арнел продукција“, беше поддржан со 240.000 евра на Конкурсот на Агенцијата за филм за 2022 година во прв рок на одлучување.
„Договор“ е современа драма што го истражува човечкото достоинство и комплексноста на донесување одлуки во социјално предизвикувачки услови, а играат Шеќерије Илази, Елмир Сејфулаи и Лек Фазлија. Директор на фотографија е Филип Јорданов.
На 15 јуни режисерот Марко Ѓоковиќ го почна снимањето на својот дебитантски долгометражен филм со работен наслов „Потстанар“. Продукцијата е на „Сектор филм“, а сценаристи се Ѓоковиќ и Симеон Венциславов од Бугарија. Филмот ќе се снима на повеќе локации низ Скопје и во текот на месецов. Главните улоги ги играат младите актери Ана Јовановска, Илија Волчевски и Хакан Даци, како и Албан Укај од БиХ кој се прослави со улогата на Сокол во филмот „Тишината на Лорна“ на браќата Дарден.
Во 2021, „Потстанар“ беше поддржан со 23.5 милиони денари (околу 380.000 евра) на конкурсот на Агенцијата за филм, а е копродукција со „Мир Медиа Груп“ и „Ливинг Пикчрс“ од Србија, како и со „Парангал филм“ од Црна Гора, со поддршка од Филмскиот центар на Србија и Филмскиот центар на Црна Гора.
ИЗВОР: sdk.mk
