За дел од македонските лекари прославата на Светскиот ден на здравјето е во нивните ордиации во Македонија, а најголем дел од нив денеска одбележуваат низ клиниките во Скандинавските земји и Германија.
Вака ни одговори доктор Бојан Трајковски на прашањето каде и како македонските лекари го одбелеќуваат Светскиот ден на здравјето.
Според него, главната причина поради која лекарите се иселуваат, покрај ниските плати, е и административниот пат кој им создава неизвесност за нивната иднина.
„Главната проблематика е токму онаа административната потешкотија со која што се соочуваат нашите колеги, таа неизвеснот која што без разлика во која фаза од животот си, без разлика во која фаза од студиите или постдипломските студии или специјалзиација таа неизвесност не прекинува и не можат да бидат сигурни каква иднина ги очекува и покрај тоа што голем дел од приватните специјализанти вложуваат приватни средства од свој џеб кои одат и до 20-30 илјади евра во одреден временски период додека трае нивната специјализација.“ – доктор Бојан Трајковски.
Покрај административни реформи, Трајковски тврди и дека е потребна политичка волја за промени во законските регулативи, кои според него ќе им донесат позитивни промени на приватните специјализанти.
Реформи за примарна здравствена заштита денеска најави директорот на Фондот за здравствено осигурување Сашо Клековски. Тој соопшти дека се воведени пет нови протоколи за примарното здравство, вклучувајќи и кардиоваскуларни болести.
„Фондот воведува нови цели за превенција и рано откривање на малигни заболувања на простата, дебело црево и грло на матка кои треба да делуваат во синергија со превентивните програми на МЗ. Првпат се воведува превентивна цел насочена кон менталното здравје, со посебен акцент на раното откривање на депресија кај млади лица на возраст од 18 до 35 години. Дополнително, се воведуваат мерки за рана дијагноза на крипторхизам кај деца и деформитети на рбетниот столб“
Од владата и минситерството за здарвство најавија дек а е донесена е одлука да се зголеми капитациониот бод за матичните лекари од општа медицина и гинекологија од 75 на 100 денари и од 61 на 75 денари за стоматолозите.
Инаку, Светскиот ден на здравјето се одбележува на 7 април. Годинава фокусот е на здравјето на новороденчињата и мајките.
Извор: 24vesti.mk
