Тетово го изгуби последниот јавен простор, а граѓаните откако здивнаа од зимските месеци со голема аерозагадување – деновиве повторно се гушат.
Уривањето на зградата на тетовски монопол без миниум еколошки стадарди го прекри градот со прашина, а Тетово се најде на листата на најзагадени градови во Македонија среде пролет.
Последната еколошка катастрофа е класичен облик на корупција, кога јавен простор кој требаше да се пренамени во парк – ќе прерасне во урбана џунгла, реагираа невладините.
Јавниот простор кај тетовски Монопол чинеше едно евро за квадрат. Советниците го променија ДУПОТ – со намена за изградба на згради. Проценките се дека целиот простор лоциран во центарот на градот е продаден за 7000 евра.
Градоначалникот на Тетово Билал Касами изјави дека на терен се пратени инспектори – да го проверат начинот на уривање на тетовски Монопол.
Локалната самуправа со години со одлуки на советот ги уништува и тие малку јавни простори кои им останаа на граѓаните. Претходната локална самоуправа спортскиот центар го бетонира и го пренамени во луна парк – со кој сега управува приватен концесионер.
Годинава децениски дрвја долж улицата Борис Кидрич се соголени откако општината одлучи да ја реконструира улицата. Деновите пак сведови сме на одземање на последниот јавен простор на градот – каде тетовци гледаа надеж дека ќе го добијат првиот градски парк.
Извор: 24vesti.mk
