реклама
Министерот за внатрешни работи Оливер Спасовски при денешната посета на СВР Велес најави поставување на камери во поголемите градови во државата. Тој на прашањето дали и во Велес ќе може да се постават камери на јавните површини и паркови со цел да се спречат вандализмите на поединци врз урбаната опрема, рече дека во рамките на проектот „Безбеден град“, кој веќе успешно се реализира во три градови во државава, ќе се реализира и во Велес, а иницијатива до МВР треба да поднесе Општината.
Министерот Спасовски најави дека проектот, односно системот на МВР преку кој се реализира овој проект треба да се надгради со тоа што и сообраќајните казни и прекршоци ќе бидат електронски, а проектот да се прошири и на автопатиштата во државата.
реклама
Тој потсети дека МВР во Прилеп изгради објект за Центар за спречување на катастрофи којшто е поврзан со оптика и при градење на тој објект оставиле можност за дирекно поврзување и со СВР Велес и останатите во државава,а со оптика којашто е клучна за добрата конекција.
– Идејата којашто треба да продолжи со реализација, е поголемите градови во државата преку изградбата на проектот да се поставуваат камери, појасни Спасовски.
реклама
Тој информира дека во заштитата на урбаната опрема камери на јавните површини веќе има во три градови во државава, а во кои Општината презема иницијатива за поставување камери за заштитата на урбаната опрема.
Спасовски го посочи Кавадарци како еден од примерите кој е дел од Секторот за внатрешни работи од Кавадарци.
реклама
– Ние ќе стоиме на располагање доколку се изрази барање за техника и друга помош за да им помогнеме на локалните самоуправи за тоа да го реализираат, најави Спасовски.
Воедно, појасни дека што се однесува за сообраќајот тоа е обврска на МВР и тоа се прави на централно ниво.
реклама
