Претседателот на Советот на Град Скопје, Трајко Славески вели „градоначалничката Арсовска треба да сноси одговорност затоа што врши диверзија во една витална дејност како што е јавниот градски превоз. Имено, по оној кикс што беше направен со ЈСП каде што Владата мораше да прогласи вонредна состојба и да го снабдува претпријатието со гориво од државните резерви, таа во континуитет ги подбуцнува приватните превозници да прават проблеми во јавниот градски превоз“.
Тој упати порака до приватните превозници.
-Немојте да наседнувате на манипулациите на Арсовска, таа е непредвидлива. Може да го направи истото што го направи со вашите претходници од пред 2 години, кога им ги укина лиценците. Може да останете на улица, може да останете без леб.
Упати и порака до Арсовска и до Владата:
-Доколку оваа состојба ескалира заради инаетот на Арсовска, бидејќи е прогласена вонредна состојба, Владата има мерки, има инстументи да го реши овој проблем- така што Арсовска не може да се поигрува со граѓаните, нивните судбини, нивната можност да стигнат до работното место…
ИЗВОР: ТВ 21
