Протест за време на паузата, неколку часа затворање на здравствените установи во текот на денот или генерален штрајк. Здравствените работници ќе изберат една од овие опции доколку нема линеарно зголемување на платите за сите или усогласување на нивните плати со минималната. Националниот координатор во здравството, Боби Бојчевски најави координативни состаноци за следниот период на кои ќе се одлучи која опција за протест ќе ја изберат.
Освен покачување на платите, синдикалците бараат и решавање на статусот на вработените со договори на дело.
Синдикалците велат дека овој проблем е присутен подолго време и има вработени кои работат и по 13 години без регулиран професионален статус./Алсат.мк
Ајнур Бафќари
Извор: alsat.mk
