Уште колку ќе чека големата капитална инвестиција во македонското здравство на истокот? И по осум месеци од првичното ветување на Владата, која првиот работен ден го почна токму од пред Клиничката болница во Штип, на терен сè уште нема ништо.
Објектот стои празен, нема градежни зафати, а премиерот Мицкоски на својот прв работен ден истакна дека во овој мандат таа ќе биде завршена.
Но, и после девет години откако беше поставен камен темелникот, жителите од источниот регион сè уште чекаат нова, современа болница по европски стандарди.
Кога би можело да се очекува продолжување на изградбата, дали се вршат преговори и со кои држави се преговара се прашањата на кои не добивме одговори од ресорното министерство, но побаравме и подетални информации и од Владата околу новиот пристап најавен од страна на премиерот по кои што би требало да се градат штипската и кичевската болница. Иако ни беше кажано дека ќе имаме одговори, сепак, до објавување на прилогот истите не ги добивме.
Извор: 24vesti.mk
