Вицепремиерот на Косово, Бесник Бислими, објави дека на листата на земји кои ги признаваат косовските пасоши е додадена и Шпанија, пренесува Анадолу.
Бислими преку социјалните мрежи порача дека сега и косовските граѓани можат да патуваат со пасош во Шпанија, без потреба од виза.
Според косовскиот вицепремиер, токму Генералниот директорат за миграција и внатрешни работи на Европската унија (DG Home) објави дека Шпанија ги признава косовските пасоши.
„Безвизното движење започна на 1 јануари, Шпанија е дестинација додадена на земјите од Шенген зоната каде што можеме да патуваме преку либерализација, каде што претходно пречка беше непризнавањето на нашиот пасош“, напиша Бислими.
Шпанија е една од петте земји на Европската унија (ЕУ) која сè уште не ја признала независноста на Косово.
Спроведувањето на одлуката на Европскиот парламент за визна либерализација за Косовците започна на 1 јануари 2024 година.
