БОГОТА (АА) – Најмалку 6 лица загинаа, а 26 се повредени во оружен напад во градот Кахеме, во мексиканската сојузна држава Сонора, пренесува Анадолу.
Тројца вооружени напаѓачи упаднале во куќа за време на состанок во градот Кахеме, објавија мексиканските медиуми.
Во нападот животот го загубија 6 лица, а 26 се ранети, меѓу кои 4 се во критична состојба.
Обвинителот на Сонора, Салас Санчез, изјави дека од порано постоеле налози за приведување на петмина од шестмината убиени во нападот.
За инцидентот е покрената истрага, а се смета дека судирот е резултат на пресметка на банди.
