реклама
Полека почнаа да добиваат форма првите два километри од автопатот Скопје-Блаце. Како што се гледа на снимките, веќе почна да се асфалтира дел од патот.
„Многу ветувања и рокови за завршување на патот Скопје-Блаце, но како што може да се види од снимките, првите 2 километри се уште не се завршени, иако директорот на ЈП „Државни патишта“ Ејуп Рустеми за ТВ21 вети дека на пролет оваа година требало да бидат завршени овие 2 километри“, вели репортерката на ТВ21.
реклама
Рустеми вели дека доцнењата на патот Скопје-Блаца се поради проблеми во проектирањето. Ветува дека до крајот на годинава ќе можеме да патуваме по новиот автопат.
„Овие два километри ќе бидат пуштени. Еден дел ќе биде во употреба бидејќи едниот дел мора да биде целосно поврзан со другите 10 километри. Значи до крајот на годината ќе биде во функција главниот пат во должина од 2 километри, кој ќе не поврзе со границата“, вели Ејуп Рустеми.
реклама
Проблем на патот Скопје-Блаце е и семафорот на влезот во тунелот кој предизвикува долги чекања и редици. И често нетрпеливите возачи возат на црвено светло, загрозувајќи ги животите на другите. Но овој семафор наскоро ќе биде отстранет, односно на почетокот на ноември кога се очекува да завршат работите, рече директорот Рустеми.
„Тунелот не беше рехабилитиран 50 години, а ние доделивме дополнителни средства за да се санира тој тунел, мораше да го подобриме и движењето на возилата. Односно, од едната страна на тунелот се работеше, а од другата страна се движеа возила. Потребно е подолго време за рехабилитација“, додаде Ејуп Рустеми.
реклама
Рустеми за ТВ21 изјави и дека до крајот на годинава ќе заврши реконструкцијата на стариот пат Скопје – Блаце. Инаку, изградбата на овој автопат доцни неколку години.
реклама
