Русија не сака да го обнови Договорот за извоз на украинско жито преку Црно Море

July 4, 2023
1 min read

Во соопштението на руското МНР се вели дека иницијативата овозможила испорака на украинско жито до земји кои имаат високи или средни приходи, но не и помош за оние на кои им е најпотребна во Африка, Азија и Јужна Америка

На помалку од две недели пред истекот на Договорот што и дозволи на Украина да извезува жито преку Црно Море, руските власти денеска велат дека не гледаат основа за обновување на тој Договор.

Во соопштението од руското Министерство за надворешни работи се вели дека Русија прави се за бродовите опфатени со Договорот да можат да го напуштат Црното Море пред неговото истекување на 17 јули.

Претседателот на Русија Владимир Путин уште минатиот месец изјави дека Москва размислува за суспендирање на Договорот за извоз на украинското жито. Причината зошто Русија веќе подолго време се заканува дека ќе се повлече од Договорот е поради тоа што, како што велат, не се исполнети ветувањата дека ќе може да извезува сопствено жито и ѓубриво. Кон средината на мај Москва се согласи да го продолжи Договорот за два месеци и тој важи до 17 јули.

Во соопштението на руското МНР се вели дека иницијативата овозможила испорака на украинско жито до земји кои имаат високи или средни приходи, но не и помош за оние на кои им е најпотребна во Африка, Азија и Јужна Америка. Петте најсиромашни земји – Етиопија, Јемен, Авганистан, Судан и Сомалија добиле само 2,6 отсто од извезеното жито, а ситуацијата се влошува кога станува збор за руското жито и ѓубриво.

„Под овие услови, очигледно е дека нема основа за продолжување на Црноморската иницијатива, која истекува на 17 јули“,

се вели во соопштението.

Русија тврди дека не гледа напредок во голем број нејзини барања, вклучително и повторно поврзување на нејзината државна Земјоделска банка со меѓународниот платен систем СВИФТ (SWIFT).

Портпаролката на руското Министерството за надворешни работи, Марија Захарова истакна дека предлогот на ЕУ за формирање посебна филијала на банката што би можела да користи СВИФТ е неостварлив.

Обединетите нации и Турција во јули минатата година посредуваа во договорот меѓу двете завојувани страни (Русија и Украина) со кој ѝ беше овозможено на Украина, која е една од клучните житници во светот, да испорачува храна и ѓубрива од трите нејзини пристаништа на Црното Море.  

Во април годинава, Полска, Унгарија и Словачка донесоа одлуки за привремено прекинување на увозот на жито и други земјоделски култури од Украина поради стравувања дека презаситеноста со овие култури ги намалува цените и ja загрозува продажбата од страна на локалните земјоделци.

Извор: 360stepeni.mk

MARKETING

MARKETING

Претходно

Словенец е нов селектор на фудбалската репрезентација на Косово

Следно

Пресуда на Апелација за „Титаник“: Пониска затворска казна за Јанакиески, условна за Јанкулоска

Latest from Blog

Градоначалникот на Дојран, Ангов: Будно ја следиме состојбата со пожарите на терен

Градоначалникот на Дојран, Анго Ангов, вечерва преку својот фб профил им се заблагодари на сите учесници кои учествуваа во гаснењето на пожарот крај Дојранското Езеро. Фб, статусот ви го пренесуваме во целост:

Министерство за здравство: Се следи состојбата со пожарите на терен и се постапува согласно развојот на настаните

Министерството за здравство информира дека во контекст на актуелните пожари, здравствениот систем „е целосно мобилизиран и подготвен за навремен и соодветен одговор на евентуалните последици“… Формирани се дополнителни медицински тимови, обезбедени се

Челникот на Анадолу на изложбата на İstanbul Photo Awards: Секоја фотографија ја пренесува состојбата на светот

ИСТАНБУЛ (АА) – „İstanbul Photo Awards“ уште еднаш покажува дека секоја фотографија со документарна вредност не е само слика туку јазик за разбирање и пренесување на состојбата на светот и суштината на
Go toTop