Чоколадната торта е популарен десерт и омилен на многумина. Но, дали знаевте дека можете да го подготвите и без класични состојки како брашно, млеко и јајца?
Пробајте едноставен рецепт за наједноставната чоколадна торта без печење со само три состојки – чоколадо, кокосово млеко и овесна каша.
Состојки:
375 мл кокосово млеко
220 гр овесна каша
170 гр темно чоколадо
Подготовка:
Чоколадото исечкајте го на парчиња. Загрејте го кокосовото млеко на шпорет.
Прелијте го сечканото чоколадо со кокосовото млеко и оставете го да се впие околу две минути. Мешајте додека да се растопи чоколадото и да добиете изедначена смеса. Во смесата додадете ја овесната каша и сè убаво измешајте.
Потоа ставете сè заедно во калап за колачи. Оставете го колачот да се излади на собна температура, а потоа оставете го во фрижидер три до четири часа да се стегне. Се сече на парчиња и се сервира. Добар апетит!
Повеќе рецепти за чоколадни торти може да најдете на следните линкови:
Направете ја оваа совршена торта со само неколку состојки (РЕЦЕПТ+ВИДЕО)
Извор: kurir.mk
