РЕЦЕПТ за највкусни СИТНИ КОЛАЧИ готови за 15 минути: Плазма чоко-стапчиња без печење

Можете да ги направите и во посна варијанта.

Состојки:

• 100 мл млеко

• 100 г путер

• 100 г млечна чоколада

• 250–280 г мелен плазма-кекс

• 80 г шлаг

• 80 мл ладна вода (од фрижидер)

• 2 лажички крем

Приготвување:

1. Во тенџере ставете 100 мл млеко, 100 г путер и 100 г чоколада и загревајте додека чоколадата и путерот се стопат.

2. Тргнете го тенџерето од ринглата и постепено додајте 250–280 г мелен кекс. Измешајте добро.

3. Ставете ја смесата во намачкана тепсија или обложена со проѕирна фолија (21×15 см) и израмнете ја површината.

4. Врз филот ставете изматен шлаг со 2  лажички еурокрем. Наместо шлаг, можете да користите и топла чоколадна глазура.

5. Оставете го колачот во фрижидер да се стегне, па исечете го на правоаголни стапчиња.