реклама
Собранието денеска го избра Раим Бајрами, дипломиран сообраќаен инженер, насока воздушен сообраќај, од Кичево, за претседател на Управниот одбор на Агенцијата за цивилно воздухопловство (АЦВ). Со одлуката на Собранието, донесена на 129. седница, се продолжува ангажманот на Бајрами на истата функција, откако му истече мандатот со претходната одлука во 2019 година. За член во УО на АЦВ, пак, е избрана Весна Милосавлевска, дипломиран правник од Скопје и вработена во ова регулаторно тело.
Со одлука на Собранието, нов претседател на Советот за статистика градоначалникот на Општина Центар Горан Герасимовски, а од таа позиција е разрешен проф-д-р Благоја Маркоски. Разрешени се досегашните членови на советот и именувани се нови.
реклама
Собранието донесе одлука со која за механизмот граѓанска контрола во состав на Народниот правобранител ги избра Македонското здружение на млади правници и Хелсиншкиот комитет за човекови права Скопје. Со одлука за Собранието за нов член на Агенцијата за пошти е именуван Владимир Кироски, дипломиран инженер, архитект од Скопје.
Именувани се и член на Државната комисија за жалби по јавни набавки, на Комисијата за заштита на конкуренција претседател, како и претседатели и членови на одборите за доделување на државните награди „Мајка Тереза“, „Св. Климент Охридски“, „Мито Хаџи Василев Јасмин“, „22 Ноември“, „Мето Јовановски“.
реклама
Седницата продолжува со расправа по останатите предложени одлуки за избор на претседател и членови на Државната комисија за одлучување во втор степен во областа на инспекцискиот надзор и прекршочната постапка, за именување на претседател и членови на Државната комисија за одлучување во управна постапка и постапка од работен однос во втор степен, за избор на членови на Државниот совет за превенција на детско претстапништво….
На почетокот на седницата не беше прифатен Предлогот на Владата да се донесе по скратена постапка законот за амнестија што го предложи министерот за правда Кренар Лога, додека поднесената интерпелација за работата на државниот и јавен обвинител Љубомир Јовески е ставена како 27. точка на дневниот ред.
реклама
