Кратко траеше љубовта меѓу двајца од најмоќните луѓе на светот. По неполни шест месеци, дојде крајот на соработката меѓу Доналд Трамп и Илон Маск. А само 24 часа беа доволни од некогаш најблиски соработници да станат главни непријатели.
Вербалниот судир започна откако Трамп порача дека е разочаран од критиките на Маск за новиот закон за буџетот.
„Илон и јас имавме одличен однос, не знам дали и натаму ќе го имаме.“ – објави Трамп, на што Маск му возврати дека е неблагодарен, бидејќи без него никогаш немало да стане претседател.
„Без мене, Трамп ќе ги изгубеше изборите, демократите ќе го контролираа Претставничкиот дом, а републиканците ќе беа 51-49 во Сенатот.“ – Илон Маск.
Во низата обвинувања кои си ги испратија преку социјалните медиуми, технолошкиот милијардер откри дека името на американскиот претседател се споменува во досиејата поврзани со финансиерот и сексуален престапник Џефри Епштајн.
„Време е да се фрли навистина големата бомба: Доналд Трамп е во досиејата на Епштајн. Тоа е вистинската причина зошто тие не се објавени. Имајте убав ден, ДЈТ!“ – Илон Маск.
Размената на обвинувања продолжи и откако Трамп изјави дека е многу разочаран од маск, кого претходно го нарече напорен и тврди дека самиот го повикал да се повлече од функцијата „специјален владин службеник“, како и дека ја укинал обврската за задолжително купување на електрични возила. Веднаш по објавата, Акциите на „Тесла“ паднаа за 14%, губејќи 150 милијарди долари од пазарната вредност.
„Илон ми стана здодевен, го замолив да си замине, го укинав неговиот мандат за електрични возила што никој не го сакаше.“ – Доналд Трамп.
Илон Маск вложи 250 милиони долари во претседателската кампања на Трамп за потоа да стане стана еден од неговите најблиски советници и шеф на новоформираниот оддел за владина ефикасност, кој ги предводеше напорите за намалување на администрацијата и сојузните трошоци.
Успеа да го намали бројот на вработени и да ги скрати трошоците, но администрацијата се соочи со илјадници тужби..А додека Маск се посвети на работата во белата куќа, вредноста на неговите компнии постепено паѓаше. Најмногу на удар се најде компнијата Тесла каде беа откажани илјадници нарачки за нови автомобили, многумина сами си ги уништија возилата а на удар се најдоа десетици салони на Тесла ширум САД.
Извор: 24vesti.mk
