Претставници на Меѓународната организација – Транспортна заедница во посета на Собранието

Собранието на Република Северна Македонија денеска ќе го посетат претставници на Меѓународната организација – Транспортна заедница.

Како што информираат од собраниската прес-служба, претставниците на Меѓународната организација – Транспортна заедница ќе остварат средба со претседателот на Комисијата за европски прашања, Антонијо Милошоски.

Во рамки на оваа посета, пред членовите на КЕП и Комисијата за транспорт, дигитална трансформација, животна средина и просторно планирање ќе бидат презентирани и годишните извештаи и активностите на Меѓународната организација – Транспортна заедница.