Сообраќајни гужви, чекање по речиси еден час во место, исклучени семафори – ваква е состојбата попладнево во централното градско подрачје на Скопје. Од Аеродром, Расадник и Карпош до центарот на Скопје се патува речиси еден час. Последниот викенд пред Нова година и дождот си го направија своето.
„Во 4.15 влегов во Скопје, во 15 до 6 влегов дома – град со ваков сообраќај треба да се затвори“, вели еден од корисниците на „X” мрежата.
Дел од твитерџиите обвинија дека покрај дождот причина за гужвата во Скопје е и фактот дека во петок попладне се украсува градот на најфрефентните локации.
Според Министерството за внатрешни работи, одговорни за сообраќајниот хаос се градските власти.
„Според Законот за безбедност на сообраќајот на патиштата „Надлежен орган за управување и контрола на семафорите и сообраќајот на крстосниците на подрачјето на град Скопје е град Скопје преку Центарот за управување и контрола на сообраќајот (ЦУКС)“, се вели во соопштението од таму.
На оваа тема на социјалните мрежи се огласи и пратеник од редовите на ВМРО ДПМНЕ кој обвини дека Скопје е во хаос поради возилата на функционерите.
Зошто е хаосот во сообраќај во моментов (22.12.2023 околу 17:00 часот) низ центарот на Скопје!
Само за да покажат “курч” (простете на изразот), неизживеани идиоти!
П.С. – додека објавувам уште 2 возила со “флешери” на “битни” фаци си поминаа со “амин” од полицијата на Спасовски. pic.twitter.com/cdMjb0BYub— Igor Janushev (@IJanushev) December 22, 2023
Попладнево преку нашиот инстаграм профил ги прашавме инстаграмџиите што според нив е причината за гужвата во Скопје.
Најголемиот дел сметаат дека метежот и сообраќајниот хаос се предизвикани од лошата сообраќајна инфраструктура.
ИЗВОР: skopjeinfo.mk
