реклама
Учениците од основните училишта во Сарај добија пакети со разни текстилни производи.
Овие алишта и средства не се купени туку се конфискувани. Директорот на Агенцијата за менаџирање со конфискуван имот, Дритон Небиу вели дека само ОУ “Дитуриа“ во Сарај се поделени пакети за 1550 ученици со алишта и школски прибор.
„Досега имаме дистрибуирано во 10 до 12 училишта, но верувам дека до крајот на оваа година ќе заокружиме некаде околу 30 основни училишта, значи 30 општини низ територијата на РСМ. Почнувајќи од Липково до Струга и од Струга до Струмица. Се подразбира дека времето не ни ветува оваа година да ја покриеме целата територија на Македонија. Ќе продолжиме и следната година.“, вели Небиу.
Освен во училиштата, Небиу рече дека Агенцијата дистрибуирала храна и во болници и затвори, а поделила и апарати за мерење крвен притисок, како и креветски чаршафи.
реклама
„Имаме поделено и во болниците прехранбени производи кои се одземени од пазарниот инспекторат, дистрибуиравме некаде во околу 13 институции, болници низ територијата на РСМ, и во домовите за деца без родители, секако тоа е државна институција. Сметавме дека таа храна е подобро да заврши во болници бидејќи ќе се користи за пациентите,за граѓаните на Република Северна Македонија“, изјави Небиу.
Директорот Небиу објаснува дека робата ја доставуваат до државните институции во зависност од тоа што им е потребно. Тој нагласува дека донирале околу 100 возила на училишта, болници и министерства.
реклама
