Американскиот актер Боб Њухарт, легендарен холивудски комичар, почина на 94 години во неговиот дом, објави неговиот портпарол.
Во богатата кариера Њухарт имаше свое стенд-ап шоу, глумеше во божиќниот филм „Елф“, како и во популарната ТВ-серија „Големата експлозија“ (The Big Bang Theory).
Њухарт беше познат како пионер на стенд-ап настапи кои вклучуваат долги приказни, со голем број смешни реплики за време на целиот настап, наместо една шега на крајот.
„Њухарт се издвои од другите комичари од неговата генерација со својот модерен пристап, никогаш не повишувајќи го гласот.
Њухарт никогаш навистина не се пензионираше и беше активен на холивудските сетови и сцени низ неговите 80-ти години“, вели портпаролот, додавајќи дека неговата смрт е „крај на една ера во комедијата“.
ИЗВОР: sdk.mk
