Трамп после атентатот: Бајден ќе почне Трета светска војна

„Се кандидирам да бидам претседател на цела Америка, а не на половина, бидејќи нема победа во победа на една половина“, рече стандардно воинствениот Трамп, овојпат со невообичаен за него „обединувачки“ тон.

Се разбира, не пропушти да ја зацвсти поентата дека неговото преживување е „милост на семоќниот Бог“ и порача дека „Бог е на моја страна.“

„Денес не требаше да бидам овде,“ кажа Трамп на што верната публика му реплицираше „Требаше, требаше!“

И покрај необично помирливиот тон, Трамп не пропушти да удри по политиките на Џо Бајден тврдејќи дека тие ќе водат кон Трета светска војна и дека тој е единствениот кој може ефикасно да го спречи ова сценарио, како и инвазијата на мигрантите преку јужната граница. 

„Ќе ѝ ставам крај на секоја меѓународна криза која ја создаде актуелната администрација, вклучувајќи ја војната меѓу Русија и Украина, до која немаше ни да дојде да бев јас претседател,“ вети Трамп.

За загревање, на присутните претходно им бил пуштен филм за животот на Доналд Трамп а Меланија влезе со придружба на класична музика.