Почина американскиот актер Џорџ Венд, еден од главните ликови во комичната серија „Кафулето На здравје“ (Cheers) од 1980-тите, а кој подоцна направи театарска кариера на Бродвеј во мјузиклите „Уметност“, „Лак за коса“ и „Елф“. Имаше 76 години.
И покрај долгата кариера, тој остана познат по ликот на Норм Петерсон во „Кафулето На здравје“, улога со која најмногу го поврзуваа. За неа доби шест номинации за наградата „Еми“ за најдобар спореден актер во хумористична серија од 1984-1989.
И покрај долгата кариера, Венд тој остана познат по ликот на Норм Петерсон во „Кафулето На здравје“, улога со која најмногу го поврзуваа. (Фото: АП)
Серијата беше фокусирана на симпатичните пријатели во барот во Бостон, а главните улоги ги толкуваа Тед Дансон, Шели Лонг, Реа Перлман, Келси Грамер, Џон Раценбергер, Кирсти Али и Вуди Харелсон. За Венд немало големи надежи кога бил на аудиција за популарната серија. Првично, агентот му кажал дека добил мала улога во која ќе каже само една реченица.
„Кафулето На здравје“ беше премиерно прикажана на 30 септември 1982, а првата сезона ја помина со слаба гледаност. Околу 80 милиони луѓе го гледаа финалето 11 години подоцна.
Венд стана миленик на публиката со неговите смешни реплики што ги кажуваше додека седеше на шанкот. По серијата, Венд глумеше во ситкомот „Шоуто на Џорџ Венд“. Во 2023, тој се натпреваруваше на шоуто „Маскиран пејач“.
ИЗВОР: sdk.mk
