реклама
Претседателот Стево Пендаровски вечерва ќе биде гостин во ТВ21 во најновото издание на „Клик Плус“.
Со Пендаровски зборуваме на многу теми, а една од нив е Кривичниот законик. Претседателот демантира дека Кривичниот законик е своевидна амнестија на Никола Груевски, а исто така кажа дека тој не го потпишал законот за да се „додвори“ на СДСМ и ДУИ за нов претседателски мандат.
реклама
„Опозицијата е последната која треба да реагира во основ на Кривичниот законик. Дали е точно дека опозицијата направи кворум? Можеше да не направи. Законот беше со европско знаменце, добро, три дена е, но тие знаеле дека да чукаат со тенџериња во Собрание кога се носеле некои закони, и не мораа да влезат внатре да направат кворум. Кое е обвиниувањето кон мене, на што се потпира? За да се додворам на СДСМ и ДУИ за нов претседателски мандат? Еве јас ќе кажам неколку апсудри… Дали е точно со измените е опфатен Милошоски и неговиот татко? Опфатен е. Дали е опфатен Јанушев? Опфатен. Дали е точно дека и процесот Сончев Град и првообвинет Миле Јанакиески е опфатен, и беше Димитар Димовски член на ВМРО-ДПМНЕ? Значи јас се додворувам кон СДСМ и ДУИ да ми дадат втор мандат, дали Мицкоски и неговата екипа мислат дека тоа што го потпишав Законот е за таткото на Милошоски, потоа на Јанушев, Јанакиески да ми дадат втор мандат? Потоа слушнав, демек, тоа било скриена амнестија заГруевски за да се врати. Еден месец се на сила овие закони, не го гледаме Никола Груевски“, кажа Пендаровски.
Целото интервју на Пендаровски гледајте го вечерва од 21:30 часот на ТВ21 и на социјалните мрежи.
реклама
реклама
