АНКАРА (АА) – Палестинскиот министер за комуникации, Јицак Сидр, денес соопшти дека од четврток сите комуникациски и интернет услуги во Појасот Газа ќе сопрат поради недостиг на на гориво, јавува Анадолу.
За време на прес-конференцијата, министерот рече дека прекинот на комуникациските услуги „ќе ја продлабочи хуманитарната катастрофа“, јави државната палестинска новинска агенција Вафа.
Министерот додаде дека тоа ќе влијае на комуникацијата меѓу Цивилната одбрана, Црвената полумесечина и другите хуманитарни организации, истакнувајќи дека „тоа значи загуба на многу животи“.
Нарекувајќи ги „овие акции кршење на меѓународното право“, Сидр ги повика „сите меѓународни институции, особено Меѓународната телекомуникациска унија, УНРВА, Арапската Црвена полумесечина, Црвениот крст, организациите за човекови права и граѓанските организации итно да интервенираат со цел да се донесе гориво во Појасот Газа“.
Израел започна немилосрдни воздушни и копнени напади врз Појасот Газа, вклучително и врз болници, домови и места за богослужба, по прекуграничниот напад на палестинската група на отпорот, Хамас, на 7 октомври.
Во израелските напади досега загинаа најмалку 11.100 Палестинци, од кои 8.000 деца и жени.
Според официјалните податоци, бројот на загинати во Израел е скоро 1.200.
