Османи: Израел е подготвен да ги укине визите за граѓаните на Косово

1 min read

Претседателката на Косово Вјоса Османи денеска соопшти дека на средбата со амбасадорката на Израел во Приштина била информирана дека Владата на таа земја изразила подготвеност да ги укине визите за граѓаните на Косово.

Во соопштението од кабинетот на претседателката на Косово, се наведува дека на средбата со амбасадорката Тамара Зив било разговарано за „соработка меѓу двете земји како и за меѓудржавни договори во различни области, чие потпишување се очекува наскоро“.

„Амбасадорката Зив ја информираше претседателката Османи дека по нејзиното барање до израелските институции, Владата на Израел изразила согласност за одобрување на договорот за укинување на визите за граѓаните на Косово“, се додава во соопштението.

Нагласено е дека во оваа насока двете надлежни министерства ќе продолжат со процедурите за потпишување на договорот, за што граѓаните ќе бидат информирани веднаш штом одлуката стапи во сила.

Со овој договор граѓаните на Косово ќе можат безвизно да патуваат во Израел за туристички цели.

Извор: kurir.mk

Претходно

ЦУК: Петмина турски државјани кои се изгубиле на Водно безбедно се евакуирани кон Скопје

Следно

Ван Дајк: Не знам дали и догодина ќе играм за Ливерпул

Latest from Blog