реклама
За убиството на 14 годишната Вања Ѓорчевска, Движење Беса бара итна оставка од неколку службеници, вклучувајќи го и министерот за внатрешни работи Оливер Спасовски и зм.министерот Назим Буши. Од оваа партија изразуваат загриженост за небезбедноста и криминалот во РСМ.
„После сето ова ако министерот Оливер Спасовски, зм.министерот Назим Буши, имаат малку совест и малку морал тогаш итно треба да дадат оставка. Во спротивно сигурни сме дека криминалот ќе порасне, небезбедноста на граѓаните ќе биде уште поголема, а постои опасност земјата да премине во анархија каде секој граѓанин ќе се погрижи сам за неговата безбедност и на неговите деца“, вели Луљзиме Амети.
реклама
Зошто толку доцна реагираше полицијата на Спасовски? Дали е нормално да ја информира јавноста за еден ваков трагичен настан преку бледо соопштение во 21 часот во недела – што кријат и зошто толку време помина од објавувањето на вестите до одржувањето на прес-конференцијата? Ова се дел од прашањата кои ги постави ВМРО-ДПМНЕ од каде бараат и Спасовски да замине од министерската функција.
Прашан дали чувствува морална одговорност и да достави оставка, Министерот за внатрешни работи, Спасовски, рече дека полицијата реагирала навреме и ги преземала сите мерки, а додаде дека ова прашање е политичко.
реклама
