Новиот турски тенк „Јени Алтај“ влегува во процес на тестирање

April 29, 2023
1 min read

ИСТАНБУЛ (АА) – Новиот турски тенк „Јени Алтај“, испорачан до Турските вооружени сили минатата недела, ќе влезе во процес на тестирање, соопшти генералниот директор на производителот БМЏ.

Мехмет Карааслан за Анадолу изјави дека тенкот ќе биде тестиран од турската армија за 6.000 различни карактеристики.

Во обраќањето за време на големиот технолошки настан во Туркије, ТЕХНОФЕСТ, на аеродромот „Ататурк“ во Истанбул, Карааслан истакна дека процесот на тестирање се очекува да заврши кон средината на 2024 година и дека наскоро потоа ќе започне фазата на сериско производство.

Првите прототипови на тенкот беа изработени во 2013 и 2014 година и оттогаш, искуствата стекнати во операциите на турската армија, промената на воените услови и новите барања на системот наметнаа потреба да се направат значителни промени во нив, посочи генералниот директор.

„Направени се приспособувања на трите главни елементи на тенкот, неговата подвижност, моќта на испалување и степенот на неуништливост“, рече тој.

„Сега тенкот има хибридна заштита, која овозможува не само пасивна и реактивна туку и активна заштита“, рече Карааслан и додаде:

„Врз основа на искуствата од теренот, решивме да направиме сериозно подобрување на нивото на заштита на тенкот.“

Производителот БМЏ, во заедничка работа со Јужна Кореја, ја промени моќноста на тенкот и ја тестираше, истакна тој и нагласи дека преку подобрената заштита, тежината на тенкот и клучните елементи, како што се стабилизацијата на амортизацијата, контролата на гаѓањето и следењето на целта, се унапредени.

Компанијата, исто така, работеше заедно со турскиот гигант од одбранбената индустрија Аселсан за системот за контрола на системот за испалување, интегрирајќи сосема нов систем во тенкот, рече Карааслан.

„Значи, меѓу прототипите, овој тенк е сосема нов тенк, затоа го нарекуваме Јени (новиот) Алтај.“

Тој има висока заштита од мини и автохтон оклопен систем, заедно со системи за откривање нуклеарни и хемиски закани.

Тенкот, опремен со топ L55 со калибар 120 mm и коаксијален митралез од 7,62 mm, има максимална брзина од 65 километри на час благодарение на моторот од 1.500 коњски сили.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS).

Извор: www.aa.com.tr

MARKETING

MARKETING

Претходно

За три пати зголемен бројот на Руси во Србија

Следно

Тројца скопјани вчера биле каснати од улични кучиња

Latest from Blog

Кривична пријава за злоупотреба на службена положба против поранешен директор на јавно претпријатие од Струмица и управител на правно лице

На 29.04.2025 СВР Струмица до Основното јавно обвинителство Струмица поднесе кривична пријава против З.Г.(56) од Струмица, поранешен директор на јавно комунално претпријатие од Струмица поради постоење на основано сомнение дека сторил кривично

Грција утре го презема претседателството со Советот за безбедност на ОН

Поморската безбедност, заштитата на цивилите во време на војна, жените, мирот и безбедноста, децата во вооружени конфликти, но и војната во Украина, ситуацијата на Блискиот Исток и случувањата на Западен Балкан, ќе

Претседателот на ТИКА, Кајалар, ги посети пациентите повредени во пожарот во Кочани што се лекуваат во Анкара

СКОПЈЕ (АА) – Шефот на Турската агенција за соработка и координација (ТИКА), Серкан Кајалар, ги посети пациентите повредени во пожарот во ноќниот клуб во Кочани што се на лекување во главниот град
Go toTop