Активностите за унапредување на наставниот процес за нашите ученици кој интензивно се одвива во основните училишта на наша територија, продолжуваат и понатаму.Во ООУ ,,Кузман Шапкарев” во Драчево изградивме нови две училници со што овозможуваме предметната настава да се одвива во засебни кабинети напиша градоначалникот на Кисела Вода, Орце Ѓорѓиевски на социјалните мрежи.
– “Ова е посебно важно бидејќи овозможува опремување на кабинетите со повеќе нагледни средства и можност за повеќе практична и експериментална настава, како чекор што го унапредува квалитетот на учењето и на учениците им обезбедува подобра подготовка за нивната професионална иднина. Во таа насока, инвестициите во нашите образовни проекти продолжуваат и сакам да информирам дека во моментов се прави проект за доградба на крак и во ООУ ,,Кирил Пејчиновиќ”, со што ќе се овозможи работа во една смена не само во ова, туку во сите училишта на територијата на Кисела Вода до крајот на мојот мандат“ напиша Ѓорѓиевски
Тој притоа дополни дека сите училишта на територија на Кисела Вода во оваа година ќе добијат фотоволтаици.
ИЗВОР: skopjeinfo.mk
