Македонија ја погодува нов топлотен бран со температури кои надминуваат 40 степени. Жештините го зафаќаат цел регион, а метеоролозите предупредуваат дека високите температури ќе се задржат до средината на следната недела.
Според анализите на УХМР, иако во недела се очекуваат краткотрајни локални дождови сепак тоа нема да влијае врз високите температури
Во недела во поладневните и вечерните часови ќе има услвои за локална нестабилна облачнот со дожд и грмежи но ова нема да влијае врз времето. Извесна промена на времето имаме во среда кога ќе дува северен ветер и температурите ќе опаднат за неколку степени.
Порди топлотниот бран а на предлог на Министерството за здравство, Владата, пак денес донесе препораки за граѓаните со цел полесно справување со високите температури. Оттаму препорачуваат да се ослободат од работни обврски бремените жени и лицата постари од 60 години, да се одложи работниот процес во период од 11 до 17 часот, како и обезбедување на микроклиматски услови за работа од страна на работодавците.
Докторите од итната медицинска помош и оваа летна сезона препорачуваат да не се излегува од дома во периодот кога температурите се екстремно високи, да се пијат повеќе течности и да јаде лесна храна.
Извор: 24vesti.mk
