реклама
Алијанса за Албанците сè уште не донела одлука дали ќе остане во Влада или ќе ја прифати поканата на да се присоедини со албанската опозиција. Министерот за здравство, кој е од редовите на Алијанса за Албанците (АА), Фатмир Меџити, вели дека неговата партија е за иднината во Европскиот фронт. Додаде дека тоа им го препорачале и меѓународните партнери.
„АА е одлучувачка кој со кого ќе коалицира, вистина е дека одлучува за иднината на државата. Ние сме за иднина во Европскиот фронт, да чекориме напред и да не губиме повеќе време. Тоа ни го препорачуваат и нашите меѓународни пријатели, и ние тоа ќе го направиме, Алијанса ќе одлучи“, вели Фатмир Меџити.
реклама
Прашан дали тоа значи дека АА на парламентарните избори ќе оди заедно со ДУИ, Меџити рече дека тоа подразбира дека ќе одат со европскиот фронт.
Со европскиот фронт, значи со ДУИ?!
реклама
„Значи дека ние сме со Европскиот фронт, со фронтот на доброто, со фронтот на тоа што претставува оптимизам, кој е иднината на Македонија“, вели Фатмир Меџити.
Од друга страна, не престануваат поканите на албанската опозиција до АА, да ја напушти Владата и да се приклучи на опозицискиот фронт. Ова вчера го повтори и Беким Ќоку од Движењето Самоопределување кои веќе се приклучија на Европскиот сојуз за промени. Ќоку рече дека како поранешен член на АА „го познава опозицискиот дух“ на оваа партија.
реклама
„Ги поканувам и другите политички партии, граѓанското општество, а овде отворено ја поканувам и Алијансата за Албанците да се приклучи на оваа промена бидејќи јас како поранешен член на таа Алијанса го чувствувам и знам менталитетот и опозицискиот дух на Алијансата и знам дека таа има свое место во овој состав овде“, вели Беким Ќоку.
Но, пред неколку дена во Гостивар се сретнаа Таравари и Ахмети, каде беше кажано дека разговарале за можностите на иднината. Инаку, засега одлуката на раководството на АА е да излезат сами на избори, но оттаму велат дека конечната одлука ќе биде донесена од партиското собрание, состанок кој сè уште не се одржува.
реклама
