реклама
ДУИ ја напаѓаат од сите страни, потврди синоќа од Чаир потпретседателот на Интегративците Бујар Османи. Според него, различни добро координирани кругови сметаат дека ДУИ и Албанците се злото на оваа држава.
„Слушате неодамна, се направи голем заговор против ДУИ. ДУИ е злото на државата, ДУИ е злото на ова општество. Го слушате од повеќе извори кои се јасно добро координирани. Сакам да ви кажам нешто, зборот ДУИ во овој случај е само еуфемизам, тоа е само политичка коректност. Кога велат ДУИ е злото на оваа држава, мислат дека Албанците се злото на оваа држава“, вели Али Ахмети.
реклама
Набргу по овој собир на ДУИ, првиот човек на огранокот на Чаир, Беким Незири, од емисијата Клик Плус, фрли сомнеж дека ВМРО и Левица се замешани во некои албански партии.
„Различни партии, или одредени политички партии, ВМРО и Левица, но не мислам дека се само ВМРО и Левица, мислам дека се замешани и во албанските политички субјекти“, порача Беким Незири.
реклама
На ваквите ставови реагираше пратеникот од Движењето Беса, Фадиљ Зендели, дел од коалицијата Европски сојуз за промени. Според Зендели, опозициската коалиција има за цел само да направи промени на политичката сцена, а тоа според него ги преплаши функционерите на ДУИ.
„Кога разговараме со функционери на ДУИ кои се спремни да соработуваат со ѓаволот, да коалицираат за некаква афера, за некаков финансиски владин бенефит, не вреди многу да се разговара. Оваа коалиција како основа и јасна цел ја има промената на власта, особено во албанскиот дел. Оваа коалиција покажува дека има целосни сеопфатни политички капацитети, дека има капацитет да направи разлика на политичката сцена и тоа е она што ги преплаши функционерите на ДУИ и даваат скандалозни и неаргументирани изјави“, вели Фадиљ Зендели.
реклама
Инаку, и вчера имаше обвинувања од албанската опозиција кон ДУИ дека единствена цел им е како да опстанат на политичката сцена, со враќање на експремиер кој е во бегство, Никола Груевски.
реклама
