Расте бројот на загинати и повредени во катастрофалната несреќа во Доминиканската република. Повеќе од 100 лица загинаа а преку 150 се повредени откако се урна кров на дискотека, додека внатре во објектот, концерт имал Руби Перез, познат пејач од Јужна Америка.
20тина часа по несреќата, спасувачките екипи со помош на термални камери и кучиња – трагачи, се обидуваат да стигнат до преживеани кои се уште се заглавени под урнатините.
„Се додека има уште надеж, ќе продолжиме да работиме. Има знаци кои нè наведуваат да веруваме дека сè уште може да има преживеани.“ – Хуан Мануел Мендез директор на агенцијата за помош при катастрофи.
Причините за несреќата се уште се утврдуваат а досега е потврдено дека меѓу настраданите, покрај пејачот, биле и регионалната гувернерка на провинцијата Монте Кристи, Нелси Круз, како и поранешниот бејзбол играч Тони Бланко, кој играл во САД девет години и уште осум во Јапонија.
Според тамошните медиуми, клубот кој се викал „Џет сет“, почнал со работа во 1973 година и досега два пати бил реновиран, во 2010 и 2015 година.
Извор: 24vesti.mk
