Претседателот на Ракометната федерација на Македонија, Живко Мукаетов посакува националниот тим да избори учество во втората фаза на претстојното Светско првенство.
– Да останеме таму најмалку 12 дена, тоа значи пласман во втор круг, а јас лично би бил задоволен со најмалку три победи на шест натпревари, изјави Мукаетов на денешната заедничка прес-конференција во Македонски Телеком.
РФМ ја продолжи соработката со Телеком кој е долгогодишен партнер на македонските ракометни репрезентативци.
– Осум години македонски Телеком е верен партнер на македонскиот ракомет давајќи безрезервна поддршка на македонскиот национален тим. И со оваа прес-конференција даваме поддршка на репрезентацијата, им посакуваме голем успех и многу среќа на Светското првенство, изјави главниот извршен директор на Телеком, Никола Љушев.
Македонија на Мундијалот 2025 е во група со Унгарија, Холандија и Гвинеја.
Извор: kurir.mk
