реклама
Убеден сум дека на следните избори ДУИ ќе биде многу непријатно изненаден од бројот на освоени гласови и пратеници во македонскиот Парламент, изјави претседателот на ВМРО-ДПМНЕ, Христијан Мицкоски во интервју за Република.
Тој дополнува дека „ВМРО-ДПМНЕ ќе и даде шанса на т.н албанска опозиција“.
реклама
– Ова раководство на ДУИ и дел од луѓето кои се дел од него се сериозно според индициите и информациите кои ги имаме, длабоко вплеткани во криминал. Нашата посакувана опција е така наречената албанска опозиција. Видовме пред некој ден окрупнување околу таа опозиција, рече Мицкоски.
Според него, треба да им се даде шанса на ДУИ да поминат во опозиција одреден период, како што вели, да се освежи со нови идеи, бидејќи сега се конфузни и испраќаат лоша порака.
реклама
-Гледате како од онаа зелена агенда почнаа до обединета Албанија. Водат политика од денес за утре. Додека одат од еден на друг споменик се возат во Ролс Ројс, Мајбах, купуваат мултимилионски имоти. Пораката не е добра, изјави Мицкоски.
реклама
