„ЉУБИ МЕ И ГЛАВАТА ГОРЕ“: Почина пејачката Сенка Велетанлиќ, сопруга и најголема љубов на Зафир Хаџиманов

January 19, 2026
1 min read

Почина српската пејачка Сенка Велетанлиќ, која на македонската јавност ѝ беше позната и како сопруга на нашиот реномиран пејач и актер Зафир Хаџиманов.

Велетанлиќ почина на 89-годишна возраст по тешко боледување, а тажната вест ја соопшти нејзиниот син, музичарот Васил Хаџиманов, преку објава на Фејсбук.

„Утрово нè напушти мојата мајка Сенка Велетанлиќ по тешка болест. Замина тивко, достоинствено, во сон, како дама, токму како што ѝ прилега. Те сакам, мамо. Ти благодарам, мамо“, напиша Васил.

Да потсетиме, Сенка Велетанлиќ е родена во Загреб и своите први музички чекори ги направила како членка на хорот на КУД „Јожа Влаховиќ“. Со ансамблот настапувала и патувала низ Европа – во Париз, Белгија и Италија, а во 1958 година ги направила и првите студиски снимки за Радио Загреб. Иако дипломирала на Економскиот факултет, одлучила професионално да ѝ се посвети на музиката.

Нејзиниот голем пробив се случил во 1960 година на Опатискиот фестивал, каде ја извела песната „Ноч без ѕвезда“, со што практично се родила нова ѕвезда на сцената на шеесеттите години. Публиката и критиката ја препознале по софистицираниот стил, елегантниот настап и воздржаната сценска појава, зад која стоеше силен темперамент и длабока емоција во интерпретацијата.

На Опатискиот фестивал повторно настапила во 1963 година со песната „Опрости, волим те“, а во 1968 година ја извела „Што ме чини сретном“, во алтернација со Јосипа Лисац.

Во приватниот живот, најпрвин била во брак со Тихомир Петровиќ, по што се преселила во Белград.

Бракот не траел долго, а во средината на шеесеттите години се омажила за својот колега, македонскиот уметник Зафир Хаџиманов.

Во 1967 година, Сенка и Зафир го одржале својот прв заеднички рецитал во театарот „Атеље 212“ во Белград, а телевизија Белград тогаш за првпат снимила концерт на „лесна музика“ во живо, што се смета за значаен момент во телевизиската историја на регионот.

Во 1972 година, заедно со сестра ѝ Бисера, ја извела песната „Ми знамо све“. Сестрите Велетанлиќ останаа запаметени како легендарен дует на домашната шлагер-сцена, симбол на квалитетна интерпретација и стил. Подоцна, секоја од нив го продолжи својот уметнички пат поединечно.

Од бракот со Зафир Хаџиманов го има синот Васил Хаџиманов, истакнат џез-музичар, со што музичката традиција на семејството продолжи и во следната генерација.

Извор: vecer.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Вештачката интелигенција КАЈ УЧЕНИЦИТЕ СОЗДАВА МРЗЕЛИВОСТ И ЈА ПОДРИВА НИВНАТА ЛИЧНА ИНТЕЛИГЕНЦИЈА

Следно

Психолог тврди дека жените со оваа особина имаат посреќни бракови

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop