Косовскаста влада подготвена да одговори на забележшките на САД и ЕУ за одлуката за укинување на српскиот динар и воведување на еврото.
Албин Курти вели дека сите косовски институции се подготвени брзо да ја решат секоја загриженост на западот во однос на регулативата на Централната банка на Косово, која забранува употреба на српскиот динар за плаќања во Косово. Според Курти, од стапувањето во сила на оваа регулатива, ниту еден бизнис во сопственост на Срби во Косово или во општините каде што живеат Срби не е казнет или парично казнет.
„Не се попречува пристапот на финансирање, а воедно се нуди физички пристап преку банките и небанкарските финансиски институции низ државата – само во четири општини на северот од државата има вкупно 15 небанкарски финансиски институции и четири филијали на комерцијални банки.“ – изјави Курти.
По реакциите на САД и Европската Комисија, со порака се јави и специјалниот претставник на Европската Унија за дијалогот меѓу Белград и Приштина Мирослав Лајчак кој вели дека Брисел внимателно ги следи случувањата во врска со одлуката на централната банка на Косово да го укине српскиот динар.
„Ги следиме случувањата фокусирајќи се на актуелната динамика на процесот на нормализација. Во тој контекст, внимателно ги следам случувањата во врска со неодамнешната уредба на Централната банка на Косово за готовинското работење, која особено влијае на српските заедници кои живеат на Косово.“ – изјави Мирослав Лајчак специјален претставник на ЕУ за дијалогот меѓу Белград и Приштина.
Српскиот претседател Александар Вучиќ предупредува дека намерно се прави притисок врз србите кои живеат на косово и дека ссотојбата особено на северот на косово, е многу тешка, особено бидејќи српскиот динар е единствената легална валута, а Косово не може да добие дозвола да ја користи.
„Црна Гора може бидејќи има дозвола преку Германија. Косово нема ништо.“ – изјави Вучиќ.
ОД обединетие нации велат дека го добиле барањето на србија за итно оддржување на седница на советот за безбедност. Точното време кога ќе се се оддржи седницата се уште не е утврден.
Амбасадорот на Србија во ОН откри дека во барањето се наведува дека на територијата на Косово кулминираат долгорочните, добро планирани и систематски дејствија кои имаат за цел да обезбедат неподносливи услови за живот за Србите на северот на земјата и да ги принуди да се иселат.
Извор: 24vesti.mk
