СКОПЈЕ (АА) – Со официјална церемонија за пречек, со највисоки државни и воени почести, премиерот на Северна Македонија, Димитар Ковачевски, ја пречека претседателката на Европската комисија, Урсула фон дер Лајен, која престојува во официјална посета на Скопје, јавува Анадолу.
Според агендата за официјалната посета на претседателката на Европската комисија, Фон дер Лајен, на земјава, веднаш по церемонијата на пречекот е предвидена тет-а-тет средба со Ковачевски, по што ќе следува билатерална средба на двете делегации.
Ковачевски и Фон дер Лајен, исто така, ќе одржат заедничка прес-конференција.
Инаку, Фон дер Лајен вчера ја започна четиридневната посета на регионот, при што ќе ги посети и Косово, Црна Гора, Србија и Босна и Херцеговина.
