ПРИШТИНА (АА) – Претседателката на Косово, Вјоса Османи, го прими на средба министерот за национална одбрана на Туркије, Јашар Ѓулер, кој реализира официјална посета на Косово, пренесува Анадолу.
Според соопштението на Претседателскиот кабинет, Османи му честитала на Ѓулер за функцијата министер во Република Туркије, и се заблагодарила на Туркије и особено на претседателот Реџеп Таип Ердоган за континуираната поддршка за Косово.
„На средбата со министерот се разговараше за соработката во областа на одбраната, со посебен акцент на обуката на Косовските безбедносни сили (ФСК) и за интензивираната размена со цел унапредување на општата соработка во областа на безбедноста“, се наведува во соопштението.
Министерот Ѓулер ја потврди непоколебливата поддршка за Косово.
Тој изрази благодарност до Косово особено за солидарноста и помошта што Косово ѝ ја понуди на Туркије по разорниот земјотрес.
„На средбата, претседателката Османи зборуваше и за актуелната безбедносна состојба на Косово, како и за актот на агресија и терористичкиот напад од Србија што се случи на 24 септември во Република Косово, во кој случај истакна дека гаранцијата и заштитата на безбедноста во земјата се приоритет“, се нагласува во соопштението.
Османи ја потврди подготвеноста и важноста за соработка со сојузниците во оваа насока.
