Косовската опозиција ја прекинува комуникацијата со премиерот Курти и претседателката Османи

July 4, 2023
1 min read

Најголемата парламентарна опозициска партија на Косово, Демократската партија на Косово (ПДК) соопшти денеска дека, поради санкциите кои Европската унија и САД ги воведоа кон државата, целосно ја прекинува комуникацијата со владата на Албин Курти и со претседателката Вјоса Османи, јави дописникот на МИА од Приштина.

Во обраќање пред медиумите по денешната седница на Управниот одбор на ПДК, партискиот лидер, Мемли Красниќи побара да се одреди датум за предвремени избори, било преку оставка на премиерот Курти, или преку распуштање на Собранието на Косово.

ПДК, најави Красниќи, ќе го бојкотира Собранието и нема да гласа на ниеден форум, за ниеден закон, одлука, резолуција или договор предложени од властите.

-Што поскоро да се објави датумот на предвремени општи избори, било преку оставка на премиерот Курти, било преку распуштање на Собранието. Од денеска нема да гласаме на ниеден форум, за ниеден закон, одлука, резолуција или договор, затоа што ситуацијата не е нормална и ние не можеме да симулираме нормалност, изјави Красниќи.

Секој вид комуникација со Курти и претседателката Османи, порача опозицискиот лидер, се прекинува, „освен за вонредни ситуации, или за разговори околу одржувањето предвремени парламентарни избори“.

-Косово е изолирана и санкционирана држава и заради нивна вина (на Курти и Османи) е влезено во ист ред со Белорусија, Русија, Молдавија и Република Српска, рече Красниќи, порачувајќи дека „на Косово му е потребно сеопшто движење за да го запре уривањето што го врши Курти“.

ЕУ во саботата, на 1 јули, соопшти дека влегле во сила казнени мерки кон Косово поради непреземањето дејствија за средување на состојбите на северот на земјата. Брисел информира дека се суспендирани работата на органите на Советот за стабилизација и асоцијација и програмата на ИПА-фондовите. Исто така се откажуваат билатералните средби со претставници на косовските власти, освен оние кои се однесуваат на спроведување на договорите со Србија и на изнаоѓањето решение за косовскиот север.

Брисел бара од Приштина да го спроведе планот од три точки што го предложи ЕУ, а со кој се бара смирување на тензиите на север, одржување нови градоначалнички избори во четирите општини со мнозинско српско население и враќање на дијалогот за нормализација на односите меѓу Косово и Србија, со посредство на ЕУ.

Претходно, поради некооперативноста на Курти во изнаоѓањето решение за споровите со Белград и со косовските Срби, САД ги исклучија Безбедносните сили на Косово од меѓународната воена вежба „Дефендер Јуроп 2023“. (МИА)

ИЗВОР: kurir.mk

MARKETING

MARKETING

Претходно

Поради сакнциите, косовската опозиција прекина комуникација со Курти и Османи и побара избори што поскоро

Следно

Волстрит благо порасна, „Тесла“ меѓу најголемите добитници

Latest from Blog

Вечерва се отвора 65. издание на фестивалот „Охридско лето“

Со гала концерт на американска пијанистка со блескава уметничка кариера, Клер Хуангчи, во придружба на орекестарот на Македонската филхармонија под диригентска управа на маестро Едвин Оутвотер вечерва на Античкиот театар ќе биде

65. ОХРИДСКО ЛЕТО ОТВОРА СО АМЕРИКАНСКАТА ПИЈАНИСТКА КЛЕР ХУАНГЧИ И ФИЛХАРМОНИЈАТА

Под мотото „Трансформација на сетилата“  вечерва во 21 часот на Античкиот театар во Охрид ќе биде отворено јубилејното 65. издание на фестивалот Охридско лето. Отворањето е со  концертот на американската пијанистка Клер

ЦУК: Состојба со пожарите во Македонија

На веб страницата на Центарот за управување со кризи, според вчерашните информации до до 18:30 часот, на територијата на државата се евидентирани вкупно 25 пожари на отворен простор: АКТИВНИ пожари (5): Општина

Четири активни пожари низ Македонија

До пладне, во државата се регистрирани вкупно 14 пожари на отворено. Од Дирекцијата за заштита и спасување информираат дека четири од нив се уште се активни – во општина Дојран, кај селото

Ѓоковиќ: Ова не е крај за мене на Вимблдон

Новак Ѓоковиќ даде интервју за новинарите, во кое кажа кои мисли дека се причините за неговиот пораз од Јаник Синер денес. “Реалноста ме стигна во последните година и половина како никогаш досега…
Go toTop