Нашиот кандидат Максим Димитриевски бргу ги собра потписите, а што се однесува до цензусот 40 отсто од гласачите можеби и не е премногу голема бројка затоа што претседателот треба да биде избран со извесен легитимитет, вели Бобан Карапејовски од од Извршниот одбор на ЗНАМ во емисијата 24 анализа на ТВ 24.
И за ЗНАМ е неприфатливо избирање на претседател во Собранието оти тоа ја доведува под прашање неговата независност, а ќе доведе до уценувања од кои некој ќе извлекува корист.
– Етноцентричен е ставот на албанските партии во Македонија затоа што сметаат дека само Албанец кој е член на овие партии може да биде кандидат за претседател. Ако има личност со кредибилитет, а има Албанци во други партии, може да биде избран и претседател Албанец, – вели Карапејовски.
– Македонија не е федерација па да има можност да се оди победик со победник, вели Карапејовски и тој додава дека не може гласовите да се бројат посебно за Албанци посебно за Македонци. Така излегува дека Македонците се граѓани од втор ред во Македонија, додава тој. Како општество треба да го надминеме овој концепт туку нам ни требаат квалитетни луѓе и идеи сеедно од која политичка партија доаѓаат, но да се однесуваат на сите граѓани а не само на одредени групи гласачи.
Извор: 24vesti.mk
