ВАШИНГТОН (АА) – – Советот за американско-исламски односи (САИО) ја осуди изјавата на Белата куќа дека „нема црвена линија“ по прашањето за Газа, јавува Анадолу.
САИО со соопштение одговори на изјавите на шефот за стратегиски комуникации на Советот за национална безбедност на Белата куќа, Џон Кирби.
„Уште еднаш остро ја осудуваме изјавата на Кирби дека не постои црвена линија за Владата на Израел за бројот на цивили што може да бидат убиени“, се вели во соопштението.
Роберт Мекоу од САИО, исто така, истакна дека секоја изјава како оваа дека „нема црвена линија“ дополнително го охрабрува Израел да бомбардира цивили.
Тој нагласи дека Израел „извршил воено злосторство“ со буџетските средства и со поддршката на Американците.
„Го повикуваме Кирби, кој речиси се расплака додека зборуваше за украинските цивили, да сфати дека и Палестинците се луѓе и дека Белата куќа треба да престане да го поддржува обидот за геноцид на Бенјамин Нетанјаху“, рече Мекоу.
Израел започна немилосрдни воздушни и копнени напади врз Појасот Газа по прекуграничниот напад на палестинската група Хамас пред еден месец.
Најмалку 10.569 Палестинци, меѓу кои 4.324 деца и 2.823 жени, се убиени во израелските напади врз Газа. На израелска страна загинаа речиси 1.600 луѓе.
