ГАЗА (АА) – Уште една џамија во Појасот Газа е целосно уништена во воздушните напади на израелската армија, јавува Анадолу.
Палестинското Министерство за внатрешни работи соопшти дека целосно е уништена џамијата „Ал-Омари“, која била цел на израелската војска во регионот Џибалије на северот од Појасот Газа.
Селаме Маруф, шеф на Канцеларијата за односи со јавноста на Владата поврзана со Хамас во Појасот Газа, на 18 октомври изјави:
„Израел уништи десет џамии и оштети десетици џамии и храмови. Меѓу нив има седум историски џамии и цркви.“
Газа се соочува со тешка хуманитарна криза без струја, а водата, храната, горивото и медицинските материјали се при крај.
Конфликтот во Газа, која е под израелско бомбардирање и опсада од 7 октомври, започна кога Хамас ја почна операцијата „Поплава Ал Акса“, ненадеен напад со низа лансирања на ракети и инфилтрирање во Израел преку копно, море и воздух. Хамас наведе дека операцијата е одмазда за упадите во џамијата „Ал Акса“ и зголеменото насилство од страна на еврејските доселеници врз Палестинците.
Потоа израелската војска ја започна операцијата „Железни мечеви“ кон позициите на Хамас во Појасот Газа.
Бројот на загинати во израелските напади од 7 октомври во Појасот Газа се искачи на 3.785, а повеќе од 12.000 се повредени.
