Изгаснат пожарот на галијата во центарот на Скопје

Синоќа во центарот на Скопје избувнал пожар во една од галиите поставени на реката Вардар, во близина на хотелот „Холидеј Ин“.

На терен интервенирале екипи на Противпожарната бригада со едно возило и пет пожарникари, кои успешно го изгаснале огнот.

Пожарот е локализиран и целосно изгаснат за кратко време, а причините за неговото избувнување засега не се познати.