Јас го осудувам секој вид на насилство вклучително и ова сега во Алијанса. Ние како ВМРО-ДПМНЕ подготвуваме политичка програма и го таргетираме нашето гласачко тело. Според нас е подобро да се групира опозициското политичко тело. Гледаме дека има незадоволство дури и кај оние кои се сега во владејачката гарнитура. Кај целото население во Македонија се јавува свест дека сме заглавени овие седум години и нема никакво придвижување, па оттука ќе се окрупнува опозицискиот блок, можеби не со ВМРО-ДПМНЕ но можеби одвоени, вели Орце Ѓорѓиевски од ВМРО-ДПМНЕ во емисијата 24 анализа на ТВ 24.
– Мислам дека позицијата треба да се повлече некое време во опозиција и да согледа што направиле или не направиле, оти тоа значи да го послушаат гласот на народот, вели Ѓорѓиевски.
Ѓорѓиевски вели дека ВМРО-ДПМНЕ очекува да има 55 пратеници во следниот состав на парламентот, а тоа го темели и врз основа на ситуацијата на терен, но и врз основа на анкетите од различни куќи. – За мене не се европски вредности да нема лекови и да има пукање по улици, – вели Ѓирѓиевски.
– Седум години постојано на функционерите на СДСМ устата им е полна со Европа. Зошто тоа би било пречка да се решат проблемите во здравството и сите сфери во општеството, како и да се справат со криминалот и корупцијата?, вели Ѓорѓиевски.
За сите случаи на насилство треба да важи законот, вели Ѓорѓиевски. – ДУИ не може постојано да се чуди што се случува, а постојано е приврзок на некоја од големите македонски партии. Како што е време СДСМ да оди во опозиција така и ДУИ треба да оди во опозиција, вели Ѓоргиевски.
– Не е точно дека ВМРО-ДПМНЕ е против европски вредности. Одењето по европскиот пат не ве попречуваше да направите подобар живот во овие седум години владеење, – вели Ѓорѓиевски.
Во врска со изгласувањето на Талат Џафери за технички премиер Ѓорѓиевски вели дека е грешка што нема да се повтори оти тој потекнува од партија која секој ден има по еден скандал.
– Мислам дека прв премиер Албанец не е достигнување, достигнување е кога Албанците ќе живеат подобро, – вели Ѓорѓиевски.
Извор: 24vesti.mk
