Бојан Ѓорѓиевски од Институтот за комуникациски студии во емисијата 24 анализа рече дека извештајот од септември и октомври минатата година покажал дека не се работи за нагласување на позитивните политики на политичките актери и партии, туку доминираат наративи или комуникациски техники кои ги оцрнуваат политичките противници.
– Не се фокусираат на своите политики, туку во најголемиот дел се фокусираат на туѓите. Со тоа поттикнуваат поделби во општеството помеѓу партиите и граѓаните каде се нагласуваат негативните работи што ги прават другите, наместо да се промовираат владини политики кои ќе бидат продуктивни. Доминираат партиските препукувања и користење на техники кои водат до поделба и ги подриваат демократските институциите. – рече Ѓорѓиевски.
Извор: 24vesti.mk
