Генерал Марк Мили: САД нема да го напуштат Блискиот Исток

August 25, 2023
1 min read

ВАШИНГТОН (АА) – Соединетите Американски Држави (САД) нема да „заминат“ од Блискиот Исток, изјави генералот Марк Мили, челник на Здружениот генералштаб, нагласувајќи ја клучната улога на регионот во приоритетите на националната безбедност на земјата, пренесува Анадолу.

Во интервју за јорданската телевизија „Ал-Мамлака“, Мили истакна дека регионот е „многу важен и многу значаен за Соединетите Американски Држави поради многу причини“.

„Имаме многу блиски пријателства и партнерства. И сакаме да се увериме дека регионот е стабилен. Очигледно, регионот е примарен извор на нафта и енергетски ресурси за другите делови на светот“, рече тој.

Мили посочи дека долгогодишната врска со Блискиот Исток ќе продолжи.

„Не можам да замислам Соединетите Американски Држави некогаш да заминат од Блискиот Исток. Мислам дека ќе останеме посветени уште многу, многу години и децении“, рече тој.

– Сирија и Ирак –

На прашањето дали САД размислуваат да го зголемат бројот на трупи во регионот, Мили одговори дека тој број расте и се намалува во зависност од „заканата во моментот“.

Осврнувајќи се на ДЕАШ (ИСИС), тој рече дека терористичката организација е уништена, но дека движењето сè уште не е мртво.

„Идеологијата сè уште не е мртва, а има некои терористи на ИСИС што сè уште талкаат по пустините на Сирија и донекаде во Ирак, така што тоа претставува закана“.

Генералот истакна дека американските трупи ќе останат и во двете земји за да работат на траен пораз на терористичката организација.

„Сè уште има борци во мали групи во и околу Сирија и околу Ирак… и ако ненадејно се повлечеме, тие сили може повторно да се воспостават. Ситуацијата е многу, многу подобра отколку што беше, но сѐ уште бара одредено ниво на посветеност. Значи, имаме скромна бројка на сили во Сирија и имаме сили во Ирак“, додаде тој.

На прашањето дали САД ќе ја напуштат Сирија кога терористичката организација ќе биде уништена, Мили рече дека одлуката за тоа е на претседателот Џо Бајден и на американската Влада.

– Украина –

Во однос на војната во Украина што ја започна Русија, Мили рече дека таа е нелегитимна и неиспровоцирана.

Украинските сили спроведуваат контраофанзива против руските војници во обид да вратат територии, но таа е „крвава“ и „бавна“.

„Искрено, премногу е рано да се каже дали е успешна или не. Досега очигледно има делумен успех. Сега брзината со која се презема офанзивата е побавна отколку што мислеа планерите“, рече тој.

Генералот Мили истакна и дека напорите за помош во обуката на украинските пилоти на Ф-16 се движат напред, додавајќи дека има програма за обука и дека Украинците наскоро ќе ги добијат борбените авиони.

Вчера Пентагон соопшти дека обуката на украинските пилоти ќе започне во октомври во американската сојузна држава Аризона.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). .

MARKETING

MARKETING

Претходно

Министерот Спасовски во работна посета на Подгорица

Следно

Нејмар избрал осум автомобили, еве и кои

Latest from Blog

Градоначалникот на Дојран, Ангов: Будно ја следиме состојбата со пожарите на терен

Градоначалникот на Дојран, Анго Ангов, вечерва преку својот фб профил им се заблагодари на сите учесници кои учествуваа во гаснењето на пожарот крај Дојранското Езеро. Фб, статусот ви го пренесуваме во целост:

Министерство за здравство: Се следи состојбата со пожарите на терен и се постапува согласно развојот на настаните

Министерството за здравство информира дека во контекст на актуелните пожари, здравствениот систем „е целосно мобилизиран и подготвен за навремен и соодветен одговор на евентуалните последици“… Формирани се дополнителни медицински тимови, обезбедени се

Челникот на Анадолу на изложбата на İstanbul Photo Awards: Секоја фотографија ја пренесува состојбата на светот

ИСТАНБУЛ (АА) – „İstanbul Photo Awards“ уште еднаш покажува дека секоја фотографија со документарна вредност не е само слика туку јазик за разбирање и пренесување на состојбата на светот и суштината на
Go toTop