Во градот Ваџима избувнаа пожари во повеќе од 200 згради, но мали се шансите тие дополнително да се шират, објавија претставници на префектурата Ишикава, пренесува агенцијата Кјодо
Бројот на жртвите од силниот земјотрес што во понеделникот ја погоди Јапонија се искачи на 30. Најмногу луѓе загинаа во градот Ваџима, во префектурата Ишикава – 15.
Спасувачките операции продолжуваат, отежнати од тековните последователни потреси и оштетувања на патиштата.
Во градот Ваџима избувнаа пожари во повеќе од 200 згради, но мали се шансите тие дополнително да се шират, објавија претставници на префектурата Ишикава, пренесува агенцијата Кјодо.
石川の地震発生の状況です(金沢駅)
友達から送られ来たやつです自分の方もこんな感じの揺れ来ました pic.twitter.com/1VXy7z9YOC— うえこー (@ueko_0228) January 1, 2024
Утринава снимка од јавниот сервис НХК покажува седумкатница која се урна и од неа се издига чад, во централниот дел на Ваџима.
Предупредувањата за цунами за областите долж брегот на Јапонското Море беа укинати утринава, откако највисокиот бран од околу 1,2 метри стигна до пристаништето Ваџима во понеделникот вечерта.
Земјотресот предизвика штети и во префектурите Нигата, Тојама, Фукуи и Гифу.
„Исклучително е тешко возилата да влезат во северните области на полуостровот Ното“,
изјави премиерот Фумио Кишида на прес-конференција, додавајќи дека централната влада ја координира испораката на хуманитарна помош со бродови.
If you stand with the people of Japan , during this tough time in which they are experiencing a Tsunami and earthquake ; U wont pass without liking this tweet ❤
May God protect the children mothers & people of Japan from the Tsunami #Japan #earthquake— द्रोण 🔥 (@dronaparashar) January 1, 2024
Околу 1 000 припадници на силите за самоодбрана се ангажирани во операциите за спасување и помош, додаде Кишида.
Неколку силни земјотреси, од кои најсилниот беше 7,6 степени според Рихтеровата скала, во понеделникот ја погодија јапонската префектура Ишикава, на брегот на Јапонското Море.
Епицентарот на најсилниот земјотрес бил на околу 30 километри североисточно од Ваџима, на длабочина од 16 километри.
Земјотресот во Овајшикава, според јапонската сеизмичка скала, бил со јачина од 7 степени, што е највисоко ниво на скалата, соопшти Јапонската метеоролошка агенција.
ИЗВОР: 360stepeni.mk
